Escocia: medra o apoio á independencia agardando por #indyref2 #Scotland #Brexit

Nunha entrevista realizada pola BBC e que se emitirá íntegra esta noite, Nicola Sturgeon asegurou non estar "faroleando" sobre o plan escocés para o Brexit e as súas ameazas dun segundo referendo de independencia, e indicando que non descartaba nada, respostando a pregunta da canle suxerindo que de continuar existindo o panorama actual co plan de May dun Brexit duro, sería de sentido común convocar un referendo de independencia a finais do 2018.

Scottish independence poll:

Yes: 50% (+3)
No: 50% (-3)

(via Ipsos Mori / 24 Feb - 06 Mar)
Chgs. w/ Sep 2016.

— Britain Elects (@britainelects) 9 de marzo de 2017

Hoxe tamén é noticia o resultado da última enquisa de intención de voto realizada entre o 24 de febreiro e o 6 de marzo, nos que Ipsos-MORI explica que a sociedade estaría dividida á metade (ata o de agora) e o apoio á independencia acada un 50% de apoio, mais en homes que en mulleres. Eu esperaría a ver mais detalles deste tipo de inquéritos, é mais, hai dende as redes, chamadas á prudencia xa que a Conferencia de primavera do Scottish National Party terá lugar os días 17 e 18 de marzo en Aberdeen e intúense moitas presións de todo tipo para que Nicola Sturgeon se pronuncie finalmente sobre un segundo referendo de independencia. 

Ahead of SNP's spring conference, Scots are split 50/50 in voting intention for possible #Indyref2: New for @STVNews https://t.co/UdKbJc1rta pic.twitter.com/hoW0wztAGv

— Ipsos MORI Scotland (@IpsosMORIScot) 9 de marzo de 2017

Ainda que os medios de comunicación empéñanse en falar dos plans para Brexit do SNP, hai que lembrar que o acordo que Nicola Sturgeon defende foi aprobado en sesión parlamentaria en Holyrood por maioría absoluta; tamén hai que ter en conta que o Partido Verde e moitos laboristas votaron a favor deste Plan de acción para Escocia fronte ao Brexit e que o propio Partido Verde xa se ten pronunciado en canto á celebración dun segundo referendo de independencia que apoiaría cos ollos pechados. Outro dato que hai que ter en conta son as eleccións locais que van ter lugar a principios de maio e que Theresa May fixo un chamamento aos escoceses para "lanzar unha mensaxe contundente ao SNP en contra da independencia". Haberá que ver o resultado deste chamado. 

Here's how @WhatScotsThink are reporting it: pic.twitter.com/6JDJGkz2gF

— Wings Over Scotland (@WingsScotland) 9 de marzo de 2017