Hai moito que traballar, moita xente que convencer, unha alternativa de
goberno forte que presentar... Por moito que o Partido Popular de Feijóo sexa o
que mais fixo para destruír esta Terra, e as súas políticas sexan as mais nefastas
de todos os gobernos que tivo Galicia, o Sr. Feijóo e o seu Gabinete van xogar
a convencer de que son a única alternativa segura (para eles), cun programa
estable (para eles) e aínda haberá votantes nostálxicos da era de Fraga que os
crean e sigan votando por tradición, aínda que co seu voto dean carta branca a
súa propia auto destrución e a destrución de Galicia.
Por tanto, como non se teña unha boa campaña de concienciación, de traballo,
de alternativa... a tradición, a nostalxia e o medo van gañar as eleccións
(outra vez), señores e señoras da oposición...
Non vale con crer que temos a razón, hai que convencer... e iso, aínda con
todas as razóns de peso que se teñan, non vai ser doado cando o Goberno de
Feijóo estivo financiando (con cartos do erario público) aos medios de
comunicacións afíns, e mesmo rescatándoos; estivo o Sr. Feijóo ,e o seu
séquito, preparándose para promocionar e vender a súa candidatura como a
chegada do Mesías.
Non vai ser doado, Sres. da oposición, cando os grandes empresarios, os
poderosos, a elite, van pór toda a carne
no asador para desacreditar a todas e cada unha das organizacións políticas que
opten a candidatura... Non vai ser doado cando con cada unha das súas campañas
estrelas, esas que eles saben facer tan ben, van promover a desunión entre os
que deberían ser compañeiros de camiño... Basta xa de inxenuidades, por favor,
que o inimigo é grande e xoga suxo, moi suxo...
Dende a conciencia da dificultade pídolle a todas as forzas políticas que
se poñan a traballar xa, e a construír unha alternativa forte para que
este Pais poida ter futuro, para que os nosos vellos podan estar ben coidados e
poidan manter as súas pensións (Rajoy deixou a "hucha de las pensiones del
Estado” valeira... despois de prometer por activa e pasiva que non se tocaría);
construír unha alternativa forte (preparada para traballar unida)
significaría que a nosa mocidade non tería que continuar emigrando forzados para poder ter unha
oportunidade; unha alternativa forte é mais precisa que nunca para promover a
creación de traballo; para que os nosos mariñeiros volvan a ter unhas cotas
decentes e non sexan tratados coma delincuentes; para que os nosos gandeiros
teñan prezos decentes para o leite galego; para que o sector naval poida ter un
futuro crible (e non uns contratos pantasmas vendidos como un éxito en tempo
electoral como foron os contratos de Feijóo e os seus amigos de #Pémex); unha
alternativa forte para que se respecte a lei en materia lingüística;
para que se promocione a nosa propia cultura e se poidamos recuperar a
autoestima roubada dende hai anos e anos de desgoberno; unha alternativa que
respecte as sentencias xudiciais e nos devolva a capacidade de gobernar mellor
as enerxía eólica... as autovías... a educación... a sanidade pública... unha
alternativa de goberno que acabe coa privatización e defenda os dereitos dos
cidadáns... 
Ningún comentario:
Publicar un comentario