martes, 2 de xuño de 2015

Nicola Sturgeon en Bruxelas : Escocia pertence á Unión Europea #EU #Brexit #Scotland

No European Policy Centre de Bruxelas tivo lugar a primeira conferencia de Nicola Sturgeon sobre Europa e Escocia no marco da Unión Europea; cúmprense nesta mesma semana 40 anos do primeiro referendo celebrado en Reino Unido, no que se decidiu a permanencia ou non na Comunidade Económica Europea (CEE).


Nun momento no que o futuro de Reino Unido está de novo pendente doutro referendo que terá lugar en 2017, a First Minister de Escocia quixo sentar as bases da posición do pobo escocés en materia europea; Sturgeon afirmou que Escocia só se pode entender coma Estado membro da Unión Europea, que son enormes os beneficios que Escocia acada neste contexto; mais quixo tamén sinalar e alertar que é preciso facer de Europa un lugar mais respectuoso coas autonomias e as realidades dos Estados membros.


O Goberno británico ven de anunciar que os cidadáns europeos que residen en Reino Unido non terán dereito de voto no futuro referendo; Nicola Sturgeon explicou que este anuncio choca frontalmente coa visión do Goberno escocés e planteou que arredor de 170.000 cidadáns que viven e traballan en territorio escocés tiveron dereito de voto no referendo pola independencia de Escocia en setembro do 2014, e deberían poder expresar tamén a súa vontade neste referendo sobre Europa.

A visión sobre a emigración é unha das grandes diferencias entre o Goberno británico e o escocés; a sociedade escocesa está orgullosa da súa multi-culturalidade e para eles os inmigrantes son parte de Escocia, onde teñen igualdade de responsabilidades e beneficios.



Nunha contundente e ben fundamentada proposta de cara ao referendo, Nicola Sturgeon, foi expoñendo a postura escocesa remarcando os puntos que eles consideran mais fundamentais. Por unha parte, o firme e indiscutible compromiso cos Dereitos Humanos; a responsabilidade que ten Europa coa traxedia dos inmigrantes do Mediterráneo; ou a visión do Goberno escocés, compartida por outros lideres de Gales e Irlanda do Norte,  que ningunha nación das 4 que integran o Reino Unido debería deixar a UE en contra da súa vontade; e fixo tamén unha moi significativa chamada de atención a un Cameron que leva anunciando a renegociación do tratado británico coa UE dende hai case dous anos, sin especificar, ata o momento, que é o que quere negociar ou cambiar Reino Unido do presente tratado, e qué cambios rexeitaría ou aceptaría como válidos. 

Nicola Sturgeon tivo tamén palabras de aliento para que se leven a cabo mais accións conxuntas que melloren ao conxunto dos cidadáns europeos, poñendo o roaming coma exemplo; animou a mellorar nas leis de comercio, novas e precisas visións na xestión da pesca, medio ambente, e tratou fixo fincapé na defensa da soberanía de posibles novos Estados nacidos de democráticos procesos de independencia, etc... 

Dende xa, o Goberno escocés, empeza a facer campaña para defender a súa permanencia na UE. Por suposto, non é a primeira vez que se menciona esta posibilidade, mais Sturgeon repetíu que a falta de respecto á decisión do pobo escocés por parte do Goberno de Cameron nesta materia, podería ser un motivo mais que contundente para a realización dun segundo referendo de independencia. 

Recordemos que durante #indyref, o bando unionista, orquestado por Cameron mediante títeres coma Barroso, Rajoy e outros realizaron unha moi tóxica campaña contra a membresía de Escocia en Europa. E lembremos tamén que a única oficiña da UE en Reino Unido, ten a súa sede en Edinburgh.

Sen dúbida, Escocia se move con seguridade e decisión, con ánimo de reforzar a súa conexión e colaboración internacional, algo que é imprescindible para unha Nación.








Publicado por en

Ningún comentario:

Publicar un comentario

Subscribirse a: Publicar comentarios (Atom)