xoves, 28 de maio de 2015

As aventuras do #Team56 en #Westminster - Parte 1 #Scotland #SNP

Uff... por onde empezo... hai tanto de contar!
Nestes días, tivo lugar o discurso da Raiña de Inglaterra, que oficializa as políticas que o Goberno británico vai levar a cabo. Neste caso, severas políticas de austeridade e recortes en dereitos civiles, dereitos sindicais e exhaustivo (e discriminatorio e mesmo racista) control da inmigración. O goberno británico ratificaba, en voz da Raiña, a realización dun referendo en 2017 sobre a permanencia ou non de Reino Unido na Unión Europea.

@s deputad@s do SNP anunciaron que vestirían, como símbolo da Escocia á que representan,  a rosa blanca nas solapas dos seus traxes. A rosa branca, é un importante símbolo da resistencia escocesa contra os ingleses do tempo dos Xacobitas (que por certo relata moi acertadamente a serie Outlander...); este xesto non pasou desapercibido e deixou moitas imaxes, videos e comentarios nas redes, algúns deles convertidos en divertidos memes.

Despois do discurso da Raiña, con toda a pompa e exceso que moitos catalogan coma un insulto ao pobo polos índices de pobreza e as medidas anunciando moita mais austeridade, comenzou o debate que nos está deixando discursos fermosos coma o de Stephen Gethins,Tommy Sheppard, Brendan O'Hara, ou Joanna Cherry e a primeira intervención de Alex Salmond no debate sobre os serios problemas de seguridade do armamento nuclear existente en Clyde (Escocia), mais coñecido coma Trident.


É moi interesante reseñar que tod@s eles insisten nunha importantísima cuestión: a diferencia entre o nacionalismo e o nacionalismo cívico.









 


O chamado #team56 (Equipo 56) que dende o minuto 1 están traballando arreo e informando constantemente de todos os seus pasos, están tamén envoltos nunha frívola e malintencionada campaña mediática por romper as normas da Cámara dos Comúns tales coma aplaudir, facerse selfies, e pelexar polos asentos...

E precisamente por isto último, os membros do #SNP que están dispostos a cumplir coas súas responsabilidades como representantes dos seus votantes e permanencen activos nas redes, e nos   informáron de que razón de pelexar polos asentos non é unha tontería, senón que ven dada por un problema de capacidade da propia Cámara, construida así apropósito, na que caben apenas 400 dos mais de 600 deputados británicos e  polo que basicamente, se non espabilas, non tes dereito a falar;  Os 56 deputados, sendo a terceira forza política teñen os seus lugares ben definidos mais  algúns laboristas non aceptan aos grandes protagonistas da lexislatura; o #Team56  está xa facendo as delicias dos escoceses, e ben seguro van deixar moitos bos e duros debates nesta Cámara dos Comúns que esmorecía de aburrimento.



E aquí vos deixo as primeiras palabras de agradecemento do Speaker, que onte lles chamou a atención por aplaudir, e hoxe se emocionaba polo comportamento e respecto dos deputados escoceses na Cámara, permanecendo durante totas as intervencións namentras laboristas e tories están ausentes dos discursos dos seus propios compañeiros de partido...



E por último contarvos que da publicación hoxe do Proxecto de Lei para Escocia onde se anunciaron os supostos novos poderes para a Autonomía, vai traer, como era de prever, moito conflicto. As xa licuadas recomendacións da Comisión Smith chegaron a Westminter... que ainda as licuaron mais, nada de "Home Rule", quasi federalismo ou semellantes... e iso, como ben podedes intuir,  non é bón...







Publicado por en

Ningún comentario:

Publicar un comentario

Subscribirse a: Publicar comentarios (Atom)