Debate con 7 lideres, o único debate ao que Cameron se dignou a participar. Tres mulleres, tres voces fortes, seguras e con argumentos contundentes anti-austeridade fronte catro homes, voces da continuación das políticas de recortes e austeridade.
A lider do SNP, Nicola Sturgeon, excepcional en debates, foi a grande gañadora dunha noite onde tamén Leanne Wood (Plaid Cyrmu) e Natalie Bennet (Greens) xogaron un brillantísimo papel.
Nicola Sturgeon fixo unha defensa a ultranza da universalidade da educación (sen a cal, dixo Nicola, non podería estar falando agora coma Primeira Ministra de Escocia) e da sanidade, defendeu a integración da inmigración fronte o racismo de Farage, ao que Wood desfixo cun só comentario (debería avergonzarse de si mesmo...). 
Durante e despois do debate, mais de 1600 novos membros para o SNP, centos de chíos de voces inglesas querendo moverse a Escocia ou podendo votar a Sturgeon; as peticións para que o SNP presente candidatos en Inglaterra continúan multiplicándose... e a loita ata o 7 de Maio, dia da votación, continúa... próxima parada o 8 de abril cun debate en Escocia a 6 representandes partidistas.
Ningún comentario:
Publicar un comentario