Nucleares non, grazas #Trident a Xibraltar? #UK #Scotland #Spain #ScrapTrident

A noticia foi publicada onte no xornal inglés conservador Sunday Express  mais é a segunda vez que a vexo recollida na prensa británica.

Presentan o dato como algo moi factible: os submarinos (armamento) nucleares establecidos en territorio escocés, podería ser "recolocado" en Gibraltar... nada menos...

(Tende moi en conta quen publica a noticia e  que estamos en plena campaña electoral e sucédense cada día centos de noticias intoxicadas para xenerar polémica, moitas delas co fin de xenerar campañas de fume)

http://www.express.co.uk/news/world/572986/Gibraltar-Trident-nuclear-submarines-SNP 

http://www.dailymail.co.uk/news/article-3056359/Gibraltar-base-Britain-s-nuclear-submarines-3billion-SNP-succeeds-ejecting-Trident.html 

http://www.thenational.scot/news/mod-source-trident-could-go-to-gibraltar-after-scots-vote-for-independence.2366

Trident é un dos cabalos de batalla nos debates das eleccións xerais en Reino Unido. O Goberno escocés opónse firmemente á súa renovación que supón un gasto nos orzamentos británicos de 100 billóns de libras, ademais do perigo que supón para a poboación. Durante a campaña do referendum, dende a plataforma Yes Scotland transmitiuse a intención de facer de Escocia un país libre de armamento nuclear. Scottish National Party, Scottish Green e  Scottish Socialist Party reinvindican e promoven as políticas anti-nucleares.

Os laboristas xa anunciaron a súa intención de votar a favor da renovación de Trident, e alegan (ao igual que os conservadores e os Liberal Demócratas) razóns de seguridade nacional.

Moitas preguntas dende a prudencia, entre elas, a "recolocación" de Trident será antes ou despois de gastar 100 billóns de libras na súa renovación en Escocia?

Ao parecer habería que adecuar a costa de Gibraltar para que os submarinos podan permanecer alí, outros 3 billóns de libras e isto levaría uns 10 anos... que dirá o Goberno español de todo isto? En principio o Ministerio de Defensa británico nega a maior polo que de momento só son conxecturas, pero... e se non o son?

MoD dismisses talk of relocating submarine base to Gib http://t.co/VNp1wAlCH7
— Pilar Fernandez (@pilaraymara) abril 27, 2015