xoves, 22 de xaneiro de 2015

As sombras da Smith Commission #TheVow #SmithCommission #GE2015

The Vow (O voto), así se lle chama as promesas realizadas á desesperada polos líderes unionistas durante os últimos días de campaña do referendo de independencia. Á desesperada prometeron "extensos novos poderes para Escocia" cando por primeira vez públicamente, as enquisas amosaban que o Yes gañaría o referendo. Desa desaesperación naceu a Smith Commission e o seu informe coas súas  "recomendacións"


The Daily Record foi xornal que actuou como voceiro oficial deste compromiso entre David Cameron, Ed Miliband e Nigg Clegg, avalado polo ex-Primeiro Ministro, Gordon Brown, que parecía seguir ao fronte do  Goberno británico pola esaxeraga cobertura da BBC, repetindo incansablemente as consignas de "quase federalismo" e "devo max" para Escocia.


O  xornal escocés, que como outros xornais sofre co descenso continuado das súas ventas,  faciase eco hoxe de que os prazos e o compromiso acadado estánse a cumprir.


Nicola Sturgeon, ainda que da a benvida ao documento presentado hoxe polo Goberno británico, asegura que que non inclúe competencias para crear melloras e beneficios sociais, xa que o Goberno británico tería poder de veto en diversas áreas, por exemplo nos cambios referentes aos chamados "bedroomtax" ou impostos dormitorio.


A Smith Commission publicou as súas recomendacións ás que os unionistas se aferran como cravo ardendo, mais moitas das competencias ofertadas durante #indyref como a de taxación, subsidios de desemprego, lei do aborto, políticas de benestar, etc.... permanecerán como materias reservadas a Westminster ou precisarán a aprobación de Londres que tería dereito ao veto.

http://news.scotland.gov.uk/News/Smith-clauses-give-Westminster-veto-in-key-areas-14d4.aspx



Ainda con toda esta realidade, o Goberno escocés promete seguir traballando conxuntamente có británico para asegurarse de que as recomendacións da Smith Commission se tornan en poderes reais e non se bloquean na Cámara dos Comúns cós votos de Conservadores e Laboristas (culpables directos de que a Smith Commission non recomendase moitos mais competencias para Escocia).

Os escoceses son conscientes de que nas vindeiras eleccións xerais, a presencia dun partido que represente os verdadeiros intereses de Escocia é a única vía non só para que se respeten as promesas, senón de ir un paso mais alá e ter unha voz forte en Londres que poida representalos sin condicións. E as enquisas así o recollen.






Publicado por en

Ningún comentario:

Publicar un comentario

Subscribirse a: Publicar comentarios (Atom)