A ponte entre Galiza e Escocia // The bridge between Galiza and Scotland : ESES PEQUENOS DETALLES... QUE O DIN TODO #indyref #Scotland #media #polls #spanishpress

domingo, 13 de xullo de 2014

ESES PEQUENOS DETALLES... QUE O DIN TODO #indyref #Scotland #media #polls #spanishpress

Sobran exemplos do ridículo que están a facer os medios de comunicación cubrindo o proceso escocés.

Ata hai moi pouco limitábanse a publicar o que lle mandaban as axencias dende a cidade de Londres; agora, e como os resultados da campaña unionista hai xa tempo que fan augas, e que a vitoria que pensaban segura xa non o é tanto, empezan a mandar a algúns reporteiros que se atopan cunha realidade abafante.

Mais aínda así, seguen sen decatarse de nada (no mellor dos dous casos, a ignorancia ten desculpa, xa que tod@s estamos aprendendo todos os días) ou continuan desinformando, participando conscientemente das estratexias marcadas dende Londres.

Alistair Darling (BT) e Blair Jenkins (Yes Scotland)

Xa para empezar, insisten en presentar a Alex Salmond como líder da campaña Yes Scotland, cando realmente este posto corresponde a Blair Jenkins (quen?... si, Blair Jenkins é o Xefe Executivo da Campaña Yes Scotland. Sermos Galiza publicou hai xa meses unha entrevista con el. Alistair Darling é o voceiro da Campaña Better Together).

http://pilaraymara.blogspot.com.es/2013/10/yes-scotland-calling-informing-all.html

Esta digamos "metida de pata informativa" forma parte dunha estratexia do Goberno británico para tratar de xustificar as continuas negativas de Cameron a debater publicamente con quen realmente lle corresponde debater: Alex Salmond; David Cameron como representante do Goberno británico, e Alex Salmond como máximo representante do Goberno de Escocia.

Pero ultimamente é constante que a prensa unionista (británica e española) estea a a utilizar unha continua publicación de sondaxes có claro fin de lograr o desgaste psicolóxico.

Mirando as noticias publicadas nos distintos medios, unha persoa que non teña nin idea do que está a acontecer en Escocia, pode verse un tanto confundida por cousas como esta:

Sube o voto independentista:

http://noticias.lainformacion.com/politica/elecciones-locales/sube-el-apoyo-a-la-independencia-de-escocia-en-un-nuevo-sondeo_1hxgQ8koLCAt8jGeJmCzV2/

Baixa o apoio á independencia:

http://www.abc.es/agencias/noticia.asp?noticia=1622021

Prensa Latina (Cuba) recolle unha clara igualdade entre intencións de voto:

http://www.prensa-latina.cu/index.php?option=com_content&task=view&idioma=1&id=2873241&Itemid=1

En todo caso, estes resultados publicados non proveñen das enquisas que o Goberno británico encargou, con cargo ao erario público, e que mantén ocultas en Westminster.

Radical Indy* publicou moi recentemente, unha enquisa impresionante, que nada ten que ver coas que recollen as noticias antes mencionadas:

http://radicalindependence.org/2014/06/24/mass-canvass-results/

* Radical Indy é unha parte importantísima da Campaña do YES, da que apenas escoitaredes unha soa palabra; está a facer un traballazo social impresionante, especialmente nos barrios mais pobres e desfavorecidos. Axudan na información e rexistro das persoas, animándoas a votar. É, por certo, un movemento a ter en conta polo seu nivel de debate e propostas de transformación da sociedade escocesa para unha Escocia independente.

http://radicalindependence.org/

Dende o meu punto de vista, as enquisas ou sondaxes que se fan a pé de rúa en toda Escocia e antes e despois dos debates públicos en escolas, centros, etc... son os mais fiables e para nada teñen que ver co que se está a publicar na prensa, xa que dan un avance claro ao voto independentista. Isto non o veredes publicado porque non gusta escoitalo. Mais a porcentaxe que realmente importa é a que resulte do voto do pobo escocés, no propio referendo o 18 de Setembro.