As pensións estarán
en perigo nunha Escocia independente, a
economía vaise ver comprometida, Escocia non poderá formar parte da Unión
Europea, haberá un cataclismo mundial se Escocia vota pola independencia, Escocia
estará mais vulnerable a ataques alieníxenas (si, estades lendo ben e non, non me inventei
nada)… Entenderedes que estas son as ameazas fantasmas das voces do Better
Together sobre #indyref, e así é... e a cabeza non lles para!
Mais parecido
a “Expediente X” que a unha campaña ben pensada e organizada, a última
referencia a series televisivas foi a referente á CBI, ou patronal británica.
Pretendendo argallar o crime perfecto, acáballe de saír un sainete; non fixo
falta que Grissom viñera a investigar, neste caso, bastou con que “Business for
Scotland” insistise en que algo non cadraba e que o mordomo non era o asasino.
A CBI,
querendo facer que non pasaba nada, asubiando e coas mans alzadas e murmurando "eu non fun", pensou que asasinar
a democracia orgánica interna da súa delegación en Escocia era unha idea
brillante, e á vez, optou por ocultar os verdadeiros intereses dos seus dirixentes, un
deles vinculado de cheo no proxecto nuclear Trident. O dixen xa mais veces e o repito:
@s escoceses de tontos non teñen un pelo.
A CBI veuse
forzada a rexistrarse na Comisión Electoral como organización que defende a
posición dos Better Together. A CBI englobaba (e digo englobaba porque dende
que saíu do armario hai desbandada xeral) a menos de 80 empresas en Escocia.
(nota: a CBI sería o correspondente á CEOE española ou a CEG en Galiza)
(nota: a CBI sería o correspondente á CEOE española ou a CEG en Galiza)
Scottish Enterprise, STV, Visit Scotland, Scottish Law Society, ou Universidades de Glasgow, Caledonia, Aberdeen son algún dos entes que renunciaron a pertencer a unha organización que claramente dirixe o seu discurso a un voto negativo para o 18 de setembro. Moitas deles argumentan que a súa postura (por múltiples razóns) debe ser neutral. E a desbandada continua...
Deste
escándalo, que ao meu modo de ver é xa un dos mais grandes de toda a campaña,
nada tendes lido en prensa española; disto, que non é mais que outra mostra do xogo sucio dirixido
dende London, parece ser que non se debe informar, quizais porque da vergonza
allea que un Goberno e a patronal sexan tan pouco democráticos, e tenten con
tan malas artes forzar que o voto se dirixa ao non á independencia. Tanto é así
que un mesmo xornal unionista pode publicar duas portadas contradicíndose nun mesmo tema, unha cunha
mensaxe esperanzadora en London e outra catastrófica Escocia.
Parece que
é mellor minimizar o debate
independentista cunha noticia do matrimonio escocés que gañaron un premio dos
Euromillóns e doaron 3 millóns de libras
á campaña do YES… por certo, esas doazóns estás declaradas, non se entregan en
sobre... non son en B…
Ou abusar
da falta de memoria ou de información sobre o tema dos lectores, e contar que Gordon Brown entra agora no debate sobre o
referendo escocés cando a realidade é que leva entrando e saíndo (escaldado)
del dende o inicio do proceso, por certo, evitando as preguntas da prensa...
vos soa?
 |
| @BizforScotland |
Business for
Scotland é a organización que recolle a mais de 1700 pequenas e medianas
empresas escocesas e que non para de medrar en número de afiliados. Os seus
artigos de valoración sobre a economía son tremendamente clarificadores e cren que nunha Escocia independente, lonxe de
seren atacados por terribles alieníxenas que destruirían o sistema de benestar,
os negocios, a economía e a situación
xeral d@s escoceses veríase enormemente mellorada.
Ultima hora: a BBC deixa a CBI. A súa imparcialidade xa estaba moi danada e sería demasiado escandaloso para a súa suposta "neutralidade informativa" seguir pertencendo á CBI:
http://www.bbc.com/news/uk-scotland-scotland-politics-27143426
http://www.scotsman.com/what-s-on/tv-radio/scottish-independence-bbc-suspends-cbi-membership-1-3387177
Ningún comentario:
Publicar un comentario