As mulleres en
Escocia representan o 52% do total da poboación. É fácil entender a importancia
que o voto feminino vai ter no resultado do 18 de setembro.
As enquisas
que chegan de distintos medios fan sempre fincapé en que os maiores indecisos camiño
do referendo son as mulleres e Women for Independence
están realizando continuadas e múltiples actividades para chegar a todas e cada unha delas.
Son un
batallón e cada día súmanse mais, de todos os puntos do país, de todas as idades, mesmo distintas xeneracións dunha mesma familia de mulleres participan de maneira activa nas
campañas que levan a cabo.
Todas estas
organizacións que pertencen á plataforma Yes Scotland viven maioritariamente
de aportacións, os famosos Crowdfunding. Women for Independence iniciou hai
pouquiño tempo a súa propia campaña para financiarse e este é o link.
Carolyn
Leckie da voz a Women for Independence e aquí tendes
a entrevista que lle fixen o 21 de Setembro de 2013, durante o Rally for Scottish Independence
celebrado en Edimburgo:
Listen to the interview in English:
Listen to the interview in English:
Pregunta: Cal é a situación das mulleres Escocesas
neste proceso?
Carolyn Leckie: Women for Independence
naceu porque as mulleres que defendemos a independencia tiñamos preocupación de
que a nosa voz non fose escoitada e incluída no debate; somos o 52 por cento da
poboación e se queremos que o si gane teñen que contar co voto feminino. Polo
tanto queríamos estar seguras de que tiñamos o noso espazo e queríamos tamén
cambiar un pouco o tono de debate tamén porque a independencia será gañara por xente
comprometida en conversacións iguais e xustas se queremos ter un país
igualitario e xusto.
Pregunta: O peso das mulleres é enorme mais como é a
situación da muller en Escocia actualmente?
Carolyn Leckie: Aínda moi desigual, pero as mulleres teñen
unha gran historia en Escocia collendo as rendas nas loitas pacifistas, resistencia
contra as guerras, loita polo voto, en folgas contra a suba de alugueres e
movemento anti-nuclear e se imos ser independentes as mulleres teñen que organizarse.
Pregunta: Que tipo de actividades estades a levar a
cabo?
Carolyn Leckie: A maioría é para
informar, escoitando, formando parte de plataformas, tamén participando en
medios de comunicación e falando en conferencias. A nosa función é mais
coordinar e mover mais á xente que xa apoia o SI. Pero o que mais queremos
facer é escoitar á mulleres nas comunidades, postos de traballo, coñecemos á
xente, sabemos quen son os indecisos, porque a xente mais importante son as
mulleres que están indecisas.
Pregunta: Seguides a prensa estranxeira? Que
importancia ten para vós a cobertura internacional para Women for Indy?
Carolyn Leckie: Estou encantadísima de
ver aquí tanto apoio internacional. Non veño seguindo a prensa internacional
demasiado de preto; son consciente evidentemente de procesos similares en
Cataluña, País Vasco, etc... Definitivamente queremos crear lazos entre
mulleres ao redor do mundo, non so para nacións sino para a nosa propia
independencia, somos mulleres pola independencia e independencia para as
mulleres.
Pregunta: Segura de gañar?
Carolyn Leckie: Sen dúbida. Penso que hai un traballo
fundamental que facer, hai xente que a
menos dun ano vista está xa comprometida co debate, pero a xente que eu coñezo
ou que eran votantes do non estanse movendo para o si, e iso dáme moita
confianza e sabes que cando falas coa xente estás abrindo unha porta aberta e
non atopei unha soa persoa que se movera do si ao non pero atopei moita xente
que se moveu do non ao si.
Moitas grazas polo teu tempo e todo o apoio das mulleres de Galiza.
Podes seguilas en // You can follow them at:
@WomenForIndy
Ningún comentario:
Publicar un comentario